काठमाडौं । गत बिहीवारदेखि शनिवारसम्म परेको अविरल वर्षाका कारण देशका विभिन्न भागमा बाढीपहिरोले ठूलो धनजनको क्षति भएको र नागरिकहरु हताहत भई जनजीवन प्राभावित भएको घटनाप्रति नेपाल भेटेरिनरी एशोसिएसनले एक विज्ञप्ति प्रकाशित गर्दै दुःख व्यक्त गरेको छ ।

एशोसिएसनले उक्त घटनामा परी ज्यान गुमाउनेप्रति हार्दिक समवेदना प्रकट गर्दै घाइतेहरुको सिघ्र स्वास्थ्यलाभको काम पनि गरेको छ । हराइरहेका नागरिकहरुको तत्काल खोजी गरी उद्दार गर्न र बाढीपीडितहरुलाई गाँस, बास र कपासको व्यवस्था गर्न एशोसिएसनले सरकारगँग अनुरोध गरेको छ । बाढीपहिरोको चपेटामा परेका सम्पूर्ण पशुपंन्छीको उद्दार र उपचारमा जुट्न सबै तह, तप्का, वर्ग समुदायलाई अनुरोध गरेको छ ।

साथै बाढीपहिरोले भएको क्षतिपूर्तिको उचित व्यवस्थापन गर्न बाढीपहिरोमा परी मरेका पशुपन्छीहरुको उचित व्यवस्थापन गर्न र घरबास गुमाएका नागरिकहरुको राहत र पुनस्थापनाको लागि नेपाल भेटेरिनरी एशोसियन सरकारसँग हार्दिक अनुरोध गर्दछ जारी विज्ञप्तिमा भनिएको छ।

साथै यस्ता प्राकृतिक विपदपछि मानिस र पशुपन्छिमा फैलिन सक्ने संक्रमण तथा महामारीजन्य रोगहरुको व्यवस्थापनको लागि पूर्व तयारी गर्न आवश्यक साधान, स्रोत जनशक्ति परिचालन गर्न तथा औषधि उपचार गर्न नेपाल सरकारका सम्बन्धित निकायसँग अनुरोध गरेको एशोसियनका अध्यक्ष डा. राकृष्ण खतिवडा र सचिव डा. केदार सुवेदले जारी विज्ञप्तिमार्फत जनाएका छन् ।