back
RBB

चिसो मौसम र त्रिपालभित्रको बसाइले जनजीवन कष्टकर

270 

shares

मुगु । चुनाव सकियो तर नागरिकका दुःख सकिएका छैनन् । दसैँ शुरु भएदेखि गत असोज २४ गतेसम्म परेका अविरल वर्षको कारण मुगु जिल्ला पहिरोको पिडामा छ । मुगुका ३३ घर पहिरोको उच्च जोखिममा छन् ।

बढी पहिरोका कारण विस्थापित भएपछि यति बेला छायानाथ रारा नगरपालिका चार गाउँका स्थानीय जङ्गलमा त्रिपाल हालेर बसेका छन् । पुस महिनाको चिसो मौसम र त्रिपाल भित्रको बसाइले नागरिकको जनजीवन कष्टपूर्ण बितेको छ।

अविरल वर्ष पछिको बाढी पहिरोले मुगुका झयारी ,सिगाडि ,घूईर तल्लो सालिमका विभिन्न गाउँ बस्तीमा ठुलो धनजनको क्षति भएको छ। बाढी प्रभावित क्षेत्रमा सरकारले राहत र पुन स्थापनामा जोड दिन नसक्दा मुगुका सर्वसाधारण बिचल्लिमा परेका छन् ।

दिनदिनै उकालो लाग्दो जाडोमा पालभित्रको बसाइले तल्लो सालिमका ६२ घर धुरीका नागरिकलाई सास्ती भएको छ । चिसो मौसम र पाल भित्रको कष्टपूर्ण बसाइले सर्वसाधारण बिरामी पर्न थालेका छन् । सर्वसाधारणमा आँखा पाक्ने ,पेट दुख्ने ,टाउको दुख्ने लगायतका समस्या देखा पर्न थालेको जानकारी स्थानीय टेकबहादुर सावतले बताए ।

एक साता लामो झरीका कारण मुगुका छायानाथ रारा नगरपालिका ,सोरु ,खत्याड,मुगुम कार्मारोगं गाउँपालिका दर्जनै बस्तीका संरचनादेखि बालीनाली सम्म सखाप भएको थियो । पहिरोको प्रभावले विद्यार्थीको पठनपाठनमा समेत समस्या भएको विद्यार्थी समेत बताउछन् ।

पहिरोमा परेर सालिम गाउँका ८ जनाको ज्यान गएको थियो भने ५ जना घाइते भएका थिए । ७ सय ४३ घर पूर्ण रूपमा भत्किदा अहिले पाँच हजार भन्दा बढी मानिस घर बार विहीन भएका थिए।
नव निर्वाचित सङ्घीय सांसद ऐनबहादुर शाही र प्रदेश सांसद जितबहादुर मल्लले आफ्नो जित लगत्तै पहिलो प्राथमिकता नै बाढी पहिरो पीडितको राहत र पुनर्स्थापना भएको बताएका छन् ।

बाढी पहिरो पछि कर्णालीका तीन जिल्लालाई संकत क्षेत्र त गरिएको छ। तर,संकट क्षेत्रमा राहत र उत्रारको कुनै पनि हुन नसकेको सोरु गाउँ पालिकाकाका वडा नं ८ का अध्यक्ष हंश कार्की बताउँछ छन् ।


प्रहरीद्वारा गाँजाखेती नष्ट

प्रहरीद्वारा गाँजाखेती नष्ट

सर्लाही।सर्लाही प्रहरीले लालबन्दी नगरपालिका –१४, नारायण खोलास्थित १५ बिघा...

स्वर्ण पदक विजेता गुरुङलाई गाउँपालिकाको सम्मान

स्वर्ण पदक विजेता गुरुङलाई गाउँपालिकाको सम्मान

दमौली । काठमाडौंमा सम्पन्न सातौँ दक्षिण एसियाली कराँते च्याम्पियनसीपमा...

सहज स्वास्थ्य सेवा प्रवाहका लागि ९२ हजार जनशक्ति आवश्यक : स्वास्थ्यमन्त्री

सहज स्वास्थ्य सेवा प्रवाहका लागि ९२ हजार जनशक्ति आवश्यक : स्वास्थ्यमन्त्री

धुलिखेल । स्वास्थ्य तथा जनसङ्ख्यामन्त्री मोहनबहादुर बस्नेतले नागरिकलाई सहजरुपमा...

फुङ्लिङमा आगलागी, पाँच लाख बराबर क्षति

फुङ्लिङमा आगलागी, पाँच लाख बराबर क्षति

फुङ्लिङ । ताप्लेजुङको सदरमुकाम फुङ्लिङ नगरपालिकामा आज बिहानै एउटा...

जीर्ण कारागारमा कैदीको भीड, नयाँ पक्की भवन रित्तै

जीर्ण कारागारमा कैदीको भीड, नयाँ पक्की भवन रित्तै

ओखलढुङ्गा । ओखलढुङ्गामा नवनिर्मित कारागार भवन प्रयोगमा नआउँदा कैदीबन्दी...

बक्यौता रकम असुल नहुँदा खानेपानी संस्था सङ्कटमा

बक्यौता रकम असुल नहुँदा खानेपानी संस्था सङ्कटमा

महोत्तरी । महोत्तरीको बर्दिबास नगर क्षेत्रका छ हजार बढी...