जापानी विदेशमन्त्री खामिखावाद्वारा वसन्तपुर क्षेत्रको अवलोकन
90
shares
काठमाडौं । जापानी विदेशमन्त्री खामिखावा योकोले काठमाडौंको वसन्तपुर क्षेत्रको अवलोकन गरेकी छन् । उनी आजै काठमाडौं प्रस्थान गरेकी हुन् ।
उनले कालभैरव, हनुमानढोका र त्यहाँ रहेका नेपाली सांस्कृतिक सम्पदा तथा वस्तुको अवलोकन गरेकी थिइन्। अवलोकनपछि उनले बुद्धको मूर्ति खरिद गरिन् ।
भ्रमणका क्रममा उनले राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’सँग छुट्टाछुट्टै शिष्टाचार भेटवार्ता गर्ने परराष्ट्र मन्त्रालयले जनाएको छ ।
विदेशमन्त्री खामिखावाले आजै उपप्रधान एवं परराष्ट्रमन्त्री श्रेष्ठसँग मन्त्रालयमा भेटघाट र द्विपक्षीय वार्ता गर्नेछिन् । उपप्रधान एवं परराष्ट्रमन्त्री श्रेष्ठले उनको सम्मानमा रात्रिभोजको आयोजना गर्नेछन् ।
विदेशमन्त्री खामिखावा भ्रमण सम्पन्न गरी नेपाल वायुसेवा निगमको विमानमार्फत आजै राति जापानका निम्ति प्रस्थान गर्ने कार्यक्रम छ ।
वि.सं.२०८१ वैशाख २३ आइतवार १६:१९
