लोक गायनमा सुष्माको चर्चा चुलिँदै
216
shares
काठमाडौं । मीठो स्वरकी धनी गायिका सुष्मा विसीले पारिवारिक जीवनलाई समेटेर तयार पारेको टिपिकल शब्दले भरिपूर्ण “पालि खरैको” लोकदोहोरी गीत यूटुव च्यालनबाट भर्खरै सार्वजनिक गरेकी छिन् ।
स्कुले जीवन दैखि नै गीत/संगितमा रूचि राख्ने गायिका सुष्माले आफ्नो जन्मथलो पोखराबाट सांगितिक यात्रा सुरू गरेर लामो समय त्यहीं बिताइएकी थिइन् ।
गायनमा अझ् निखारपन ल्याउन करियरलाई फराकिलो बनाउने सपना लिएर काठमाण्डौ छिरेकी उनले धेरै मेहनत र दुःख झेल्दै पछिल्लो समय पारिवारिक जीवनलाई समेटेर तयार पारिएको “पालि खरैको” नामक लोक दोहोरी गीत सांगीतिक बजारमा हालै सार्वजानिक गरेकी हुन् ।
यस गीतमा चर्चित कलाकार वसन्तथापा र सुष्मा वि.सीले स्वर पस्किएका छन् भने सूर्य कुमार परियार र पूर्ण राज बेलवासेको शब्दका साथै सागर लामाको संगीत रहेको छ । गीतको म्युजिक भिडियोमा टीका भुजेल र सोविता सिलवालले अभिनय गरका छन् ।
राजेश घिमिरेले छाँयाङ्कन गरेको म्युजिक भिडियोको निर्देशन जेरी भण्डारीले गरेका हुन् । गीत टीका भुजेलको अफिसियल यूटुव च्यालनबाट सार्वजनिक गरिएको हो ।
पारिवारिक जीवनशैलीको पृष्ठभूमिलाई समेटेर अन्त्यन्त मेहनतका साथ तयार पारिएको यस गीतले नेपाली दर्शक÷स्रोताको मन जित्न सफल हुने निर्माण पक्षको विश्वास छ ।
वि.सं.२०८१ वैशाख २४ सोमवार १५:२९