काठमाडौं । राष्ट्रियसभा अध्यक्ष नारायणप्रसाद दाहालसँग नेपाल भ्रमणमा रहेका कोरियाको संसदीय प्रतिनिधि टोलीले शिष्टाचार भेटवार्ता गरेको छ ।

मंगलबार सिंहदरबारस्थित राष्ट्रियसभा अध्यक्षको कार्यकक्षमा कोरियाको राष्ट्रियसभाको संस्कृति, खेलकुद तथा पर्यटन समितिका अध्यक्ष एवं कोरिया–नेपाल संसदीय मैत्री समूहका अध्यक्ष साङ–हेओन ली नेतृत्वका टोलीले अध्यक्ष दाहालसँग शिष्टाचार भेट गरेको हो ।

भेटमा नेपाल–कोरिया कूटनीतिक सम्बन्ध, संसदीय अनुभव आदान–प्रदान र आपसी सहयोगका विषयमा छलफल भएको अध्यक्ष दाहालको सचिवालयले जनाएको छ ।