काठमाडौं । नक्कली शरणार्थी प्रकरणमा पक्राउ परेका पूर्वगृहमन्त्री बालकृष्ण खाँणलाई अदालत लगिएको छ । बुधबार बिहान निवासबाटै पक्राउ गरेर उनलाई अपराध अनुसन्धान कार्यालय टेकु लगिएको थियो ।

चार घन्टाभन्दा बढी समय बयान लिएपछि प्रहरीले पक्राउ पुर्जी जारी गरी म्याद थमौती गर्न काठमाडौं जिल्ला अदालत लगेको हो ।खाँणलाई पक्राउ गर्नुअघि प्रहरीले जरुरी पत्र थमाएको थियो ।

उनीविरुद्ध पक्राउ पुर्जी जारी भएको छैन । अब अदालतमै लगेर उनीविरुद्ध पक्राउ पुर्जी जारीका लागि अनुमति माग्ने र अनुसन्धानका लागि म्याद थप गरिने भएको छ ।

कानुनमा कुनै व्यक्तिलाई पक्राउ गर्नुअघि कारण खुलाएर पक्राउ पुर्जी जारी गर्नुपर्ने र २४ घन्टाभित्र अदालतमा पेस गर्नुपर्ने व्यवस्थ छ ।