गठबन्धनको एउटा दल अलग हुने बित्तिकै सरकार ढल्ने भएकाले हेक्का होस् : माधव नेपाल
72
shares
काठमाडौं । नेकपा (एकीकृत समाजवादी)का अध्यक्ष माधवकुमार नेपालले गठबन्धनको एउटा दल अलग हुने बित्तिकै सरकार ढल्ने भएकाले हेक्का राखेर चल्न सुझाव दिएका छन् ।
शुक्रबार पार्टीको युवासंघले आयोजना कार्यक्रममा उनले घमण्ड नगर्न आग्रह गरे । “कुनै एउटा, दुईटा पार्टी अलग हुने बित्तिकै सरकार माथिबाट तल भूँइमा नै पछारिन्छ ।
यो कुरालाई हेक्का राखेर चल्नुपर्छ । कोही पनि घमण्ड नदेखाउनुुस् । दम्भी नबन्नुस् । झण्डै–झण्डै दुर्घटना हो कि भन्ने अवस्था सुदूरपश्चिम प्रदेशको मुख्यमन्त्रीको चुनावको सिलसिलामा आइसकेको थियो,” उनले भने ।
उनले राम्रो ढगंले काम गर्न सके कुनै आपत्ति नभएको तर राम्रोसँग चल्न नसके जे पनि हुन सक्ने चेतावनी दिए ।
उनले पार्टीका सम्मानित नेता झलनाथ खनाललक्षित गर्दै कांग्रेसलाई शत्रु भन्नु पार्टी सिध्याउनु भएको टिप्पणी गरे ।
उनले त्यो सिद्धान्तको जलप जागेर पार्टीलाई खत्तम बनाउने उपायको रूपमा टिप्पणी गरे ।
वि.सं.२०८१ वैशाख १४ शुक्रवार १६:१६
